மறுக்கப்படுதல்

ஒவ்வொரு கணமும் உலகில்

யாருக்கோ, எதற்கோ

மறுக்கப்படுகிறது!!


மறுக்கப்பட்ட கணங்களின் வெம்மையில்

உதிரும் கண்ணீர் -


குளியலறை தண்ணீருடனோ

பூட்டப்பட்ட அறையின் கண்ணாடி முன்னோ

வெளி படர்ந்த மொட்டை மாடியிலோ

கரைகிறது.


மறுக்கப்பட்ட இரவுகள்

தெரு நாய்களின் கேவல்களாலும்

நட்சத்திரங்கள் அற்ற வானத்தாலும்

சூழப்பட்டுள்ளது..


காலை - மீண்டும்

ஒரு போலி புன்னகை அணிந்து கொண்டு

எப்போதும் போலவே

நகர்கிறது!!


வாழ்க்கை -

மறுக்கப்பட்ட கணங்களின் நிழலுக்கும்

மறுக்க பட போகும் கணங்களின் எதிர்பார்ப்புக்கு

இடையிலும் ஊர்கிறது ….